काठमाडौं । अयोध्यामा बनेको भव्य राम मन्दिरमा भगवान रामललाको प्राण प्रतिष्ठा गर्ने कार्यक्रम आज (सोमवार)का लागि राखिएको छ यस अवसरमा भारतीय प्रधानमन्त्री नरेन्द्र मोदी प्रमुख अतिथिका रुपमा उपस्थित हुनेछन् । राम जन्मभूमि ट्रस्टका अनुसार कार्यक्रमको सबै तयारी पुरा भएको छ । प्राण प्रतिष्ठा समारोहमा आमन्त्रित व्यक्तिहरु अयोध्या पुग्न सुरु भइसकेको छ । जसमा प्रमुख सन्त, नेता, फिल्म स्टार र खिलाडी समावेश छन् ।
अयोध्यामा प्राण प्रतिष्ठा कार्यक्रमलाइ लक्षित गरी सुरक्षा प्रवन्ध कडा बनाइएको छ । दस हजार सीसीटीभी क्यामरा, आर्टिफिसियल इन्टिलेन्स देखि ड्रोन सम्मले यहाँका गतिविधिको निगरानी गरिने भएको छ । अयोध्यामा सोमवार को प्राण प्रतिष्ठा कार्यक्रम अपरान्ह साढे १२ बजेहुने छ । कार्यक्रम एक बजेसम्म हुने छ । प्रधानमन्त्री नरेन्द्र मोदीले विधि विधानका साथ यसमा भाग लिने भएका छन् । त्यसपछि मन्दिर आम मानिसको दर्शनका लागि खुल्ने छ ।