काठमाडौं । मंसिर ४ मा तोकिएको प्रतिनिधि सभा र प्रदेश सभा चुनावका लागि निर्वाचन आयोगले आह्वान गरेको दल दर्ताको समय आज पुरा हुने भएको छ ।
सरकारले चुनावको मिति घोषणा गरेपछि आयोगले २२ साउनमा दल दर्ताका लागि आह्वान गरेको हो ।
साउन १९ गतेसम्म आयोगमा दर्ता कायम रहेका राजनीतिक दलले प्रतिनिधि सभा र प्रदेश सभा सदस्य चुनावमा भाग लिने प्रयोजनका लागि आयोगमा दल दर्ता गराउनु पर्छं आयोगमा साउन १९ गतेसम्म १ सय १६ दल दर्ता छन् । चुनावमा भाग लिन आइतबारसम्म ६२ दल मात्र दर्ता भएका छन् । नेपाली कांग्रेसले समेत आइतबारसम्म दल दर्ता गराएको छैन ।