काठमाडौं । नेपाली कांग्रेस आगामी संसदीय निर्वाचनको रणनीति निर्माणमा जुट्ने भएको छ । कांग्रेसको केन्द्रीय समिति बैठक आज बस्दैछ । स्थानीय तह निर्वाचनपछि कांग्रेस केन्द्रीय समिति बैठक बस्न लागेको पहिलो पटक हो । दिउँसो १ बजे बस्ने बैठकमा स्थानीय तह निर्वाचनको समीक्षा हुने छ ।
त्यसपछि आगामी प्रदेश र प्रतिनिधिसभा निर्वाचनको रणनीति बनाउने समेत तयारी पार्टीको रहेको छ । आजको बैठकमा स्थानीय तह निर्वाचनको अनुभवसहित रिपोर्टिङ हुने र सोही आधारमा आगामी रणनीति बनाउने तयारी पार्टीको छ । बैठकमा सरकारका कामको समेत समिक्षा हुनुपर्ने शेखर कोइराला पक्षधरको भनाई छ ।