नयाँ दिल्ली । भारतले आगामी महिना (अक्टोबर)बाट कोरोना खोप निर्यात थाल्ने भएको छ । गत फागुनमा कोरोनाको दोस्रो लहरबाट अतिप्रभावित भारतले खोप निर्यात रोकेको थियो । यसबाट नेपाल समेत प्रभावित भएको थियो । नेपालले खरीद गरि रकम समेत तिरिसकेको १० लाख डोज खोप भारतमै रोकिएपछि जेष्ठ नागरिकले करीव ६ महिनासम्म खोपको दोस्रो डोज लगाउनबाट बन्चित भएका थिए । भारतका स्वास्थ्यमन्त्री मनसुख मंडावियाले भने रोकिएको खोप निर्यात फष्ुकुवा गरिएको बताएका हुन् ।
भारतीय संचारमाध्यमहरुका अनुसार उत्पादित खोप आन्तरिक प्रयोजनका लागि प्रयोग गर्ने भन्दै भारत सरकारले खोप निर्यातमा अघोषित बन्देज लगाएको थियो । भारतका स्वास्थ्यमन्त्री मंडावियाले छिमेकी मुलुक र कोभ्याक्सलाई उच्च प्राथमिकतामा राखिने बताएका छन् । कोरोनाबाट अतिप्रभावित मुलुकमध्ये भारत पनि पर्छ । त्यहाँ अहिले खोप अभियान तिब्र रुपमा चलिरहेको छ ।