जुम्ला । जुम्लामा आगो ताप्दाताप्दै जलेर एक जनाको मृत्यु भएको छ । आगोले जलेर तातोपानी गाउँपालिका–४ गिरिखोलाका २६ वर्षीय गोविन्द रोकायाको ज्यान गएको जिल्ला प्रहरी कार्यालय जुम्लाले जनाएको छ । आगो ताप्दै गर्दा शरीरमा आगो सल्किएपछि घाइते भएका रोकायाको उपचारका क्रममा ज्यान गएको हो । उनी बिहीवार दिउँसो ५ बजेतिर रोकाया गाउँ नजिक रानीजङ्गलमा बाख्रा चराउन गएका थिए ।
चिसोका कारण आगो बालेर ताप्ने क्रममा शरीरमा आगो लागेपछि रोकाया चिच्चाएका थिए । त्यसपछि प्रहरीले उनको उद्धार गरि कर्णाली स्वास्थ्य विज्ञान प्रतिष्ठान जुम्लामा लगेको थियो । सोही अस्पतालमा उनको निधन भएको समाचारमा उल्लेख छ ।