काठमाडौं । निर्वाचन आयोगले आचारसंहिताबारे आज राजनीतिक दलबीच छलफल गर्दैछ । आयोगले छलफलका लागि पार्टीका पदाधिकारीहरूलाई आयोगमा बोलाएको छ। मंसिर ४ मा हुने प्रतिनिधि सभा र प्रदेश सभा चुनावमा भाग लिने दलहरूलाई आयोगले आचारसंहिताबारे छलफल गर्न बोलाइएको हो।
आयोगले आचारसंहिताको प्रभावकारी कार्यान्वयनका लागि दलहरूसँग छलफल गर्न लागेको छ। छलफलका लागि प्रधानमन्त्री, गृहमन्त्रीसहित १२ वटा राजनीतिक दलका पदाधिकारीलाई बोलाइएको छ। आयोगले केही दिनमा आचारसंहिता लागु गर्ने तयारी गरेको छ। त्यसअघि दलहरूबाट प्रतिवद्धता लिन आयोगले छलफलका लागि बोलाएको हो।