काठमाडौं । इण्डियन प्रिमियर लिग (आइपीएल)को अक्सन आज हुँदैछ । विश्वभरबाट चर्चित खेलाडी लिएर संचालन हुने यो प्रतियोगितामा नेपालबाट नेपाली राष्ट्रिय क्रिकेट टोलीका कप्तान सन्दीप लामिछाने मात्र प्रतिस्पर्धामा छन् । भारतको बेंगलुरुमा आईपीएलको नयाँ सिजनको लागि हुने मेगा अक्सन हुन लागेको हो । नेपालबाट सन्दीपसहित कुल १५ खेलाडीले अक्सनका लागि नाम दर्ता गरेका थिए । अक्सनमा भने सन्दीप मात्र परे । सन्दीपले यसअघि दिल्ली क्यापिटल्सबाट आईपीएल खेलिसकेका छन् ।
सन् २०१८ मा पहिलो पटक दिल्लीमा अनुबन्ध हुँदै आईपीएलमा डेब्यु गरेका थिए । उनले कुल तीन सिजन खेल्दा एक सिजन मैदानमा उत्रन पाएनन् । २०२० को सिजन उनी पूरा सिजन बेन्चमा रहेका थिए । गत वर्ष कुनै पनि टीममा नपरेका उनी यो पटक भने छनोट हुने अपेक्षा गरिएको छ । किनकी यस पटक आइपीएलमा दुई नयाँ टीम थपिएका कारण नयाँ खेलाडीलाई मौका रहेको छ । सन्दीपले यसपटक आईपीएल अक्सनमा आफ्नो बेस प्राइज ४० लाख मात्र राखेका छन् ।