काठमाडौं । आज नेपालमा कोरोना भाइरसको संक्रमणले कीर्तिमान कायम गरेको छ । एकै दिन संक्रमितको सर्वाधिक संख्या, कुल संख्या, पिसिआर परीक्षणको संख्या, काठमाडौं उपत्यकामा संक्रमितको संख्यासहित कोरोना तथ्यांकमा आज रेकर्ड कायम भएको हो ।
आज कोरोना भाइरसको संक्रमण देखिएयताकै सर्वाधिक अर्थातः ५ हजार ८ जनामा कोरोना भाइरसको संक्रमण पुष्टी भएको छ । यस दिन कुल १९ हजार ३२० जनाको पिसिआर परीक्षण भएको थियो ।
आजसम्मको कुल संक्रमित संख्या समेत १ लाख ५ हजार ६ सय ४८ जना पुगेको छ । आज काठमाडौं जिल्लामा मात्र २१ सय जनामा कोरोना देखियो । नेपालमा कोरोनालाई जित्ने मानिस २४ घण्टामा १२ सय २९ जना भए ।
अब कुल निको हुनेको संख्या ७४ हजार २ सय ५२ पुगेको छ । निको हुनेको संख्या ७०.२ प्रतिशत छ । आज एकै दिन धेरै संख्यामा कोरोना पुष्टी भएका कारण निको हुनेको प्रतिशत कम भएको हो ।