काठमाडौं । नेकपा (माओवादी केन्द्र)को स्थायी समिति बैठक आजका लागि बोलाइएको छ । दिउँसो एक बजेका लागि बोलाइएको बैठकको एजेण्डा भने सार्वजनिक गरिएको छैन । समसामयिक राजनीतिक विषयमा छलफल गर्न भनि बोलाइएको बैठकमा पछिल्लो राजनीतिक घटनाक्रमबारे छलफल हुने बताइएको छ ।
सरकारले एमसीसी संसदमा अगाडी बढाउन गरेको प्रस्ताव र यसले कांग्रेस प्रधानमन्त्री केपी शर्मा ओलीतर्फ आकर्षित हुने आशंकाका बीच माओवादी केन्द्रको स्थायी समिति बैठक बस्न लागेको हो । सरकारको चर्को विरोध गरेपनि समर्थन फिर्ता नलिएको माओवादीको समेत आलोचना भइरहेको छ ।
आजको बैठकले नयाँ सत्ता समिकरणका सम्भावनाबारे छलफल हुने छ । प्रदेश तहमा माओवादी केन्द्रको रणनीति सफल बन्दै गएको सन्दर्भका संघीय सरकारमा समेत आफ्नो रणनीति बुनिरहेको माओवादी केन्द्रले आगामी सरकारको नेतृत्व भने कांग्रेसलाई दिने बताइसकेको छ ।