काठमाडौं । विद्याकी देवी सरस्वतीको पूजाआरधना गरी आज वसन्त पञ्चमी मनाइदैछ । यो चाड प्रत्येक वर्ष माघ शुक्लपञ्चमीका दिन मनाइन्छ ।
यस दिन विद्यालय, शिक्षालय तथा सरस्वती मन्दिरहरुमा विशेष पूजाआजा आयोजना गरिन्छ ।
आज सरस्वतीको पूजा गर्दा विद्या र बुद्धि बढ्ने विश्वास जनमानसमा रहेको छ ।
काठमाडौं उपत्यकास्थित स्वयम्भू, मैतीदेवी र गैरीधारास्थित नीलसरस्वती, ललितपुरको लेलेजस्ता स्थानमा सरस्वतीको विशेष पूजा हुन्छ ।
आज अक्षारम्भ गराउने दिनका रुपमा पनि चिनिन्छ । यस दिन विद्यालय भर्ना गर्दा बालबालिकालाई कुनै साइत हेराउनु नपर्ने जनविश्वास रहेको छ ।
साना बालबालिकाको नाक–कान छेड्न समेत यही दिनको उपयोग गरिन्छ ।
आज अन्य शूभकार्यमा समेत साइत हेर्न नपर्ने जनविश्वास रहेको छ ।
आज अपरान्ह राष्ट्रपति विद्यादेवि भण्डारीसहित उच्च पदस्थ अधिकारी हनुमानढोका दरबारको नासल चोक पुगी वसन्त श्रवणमा सहभागी हुने प्रचलन रहेको छ ।