काठमाडौं । नेपालले अन्तराष्ट्रिय उडानमा लगाएको प्रतिवन्ध र कोरोना भाइरसको संक्रमणको डरले मुलुक भित्र जारी लकडाउनका कारण विदेशमा कैयौं नेपालीका शव अलपत्र अवस्थामा छन् ।
सरकारले यी शवको अन्त्येष्टी विदेशमा होस भन्ने चाहन्छ । किनकी त्यसले शव नेपालसम्म ल्याउन लाग्ने खर्च बच्नेछ ।
सोहीकारण अहिले सरकारले विदेशमा मृत्यु भएका नेपाली कामदारका परिवारसँग विदेशमै शव अन्त्येष्टि गर्न अनुमति माग गरेको छ ।
यसरी अनुमति दिएमा सरकारले परिवारलाई सान्त्वना र राहत स्वरुप ५० हजार रुपैयाँ दिने निर्णय गरेको हो ।
वैदेशिक रोजगार विभागका अनुसार हाल विदेशमा १ सय भन्दा बढी शव छन् ।
कोभिड १९ लागेर मृत्यु भएका नेपालीको अन्त्येष्टि भने सम्बन्धित मुलुकमै हुन्छ । किनकी त्यस्तो शव नागरिकको स्थायी मुलुकमा लैजाने अनुमति दिइदैन ।
तर, अन्य कारणले ज्यान गुमाएका नेपालीको शव भने नेपालीले आफ्ना जन्म भुमीमै ल्याएर आफन्तले मुख हेरेर अन्थेष्टी गर्ने चाहना राख्नु स्वाभाविक हो ।
वैदेशिक रोजगार बोर्डले भने यसरी आफन्तसम्म शव ल्याउन सहजिकरण गर्नुको साटो विदेशमै व्यवस्थापन मिलाउन आग्रह गर्दै आएको छ ।
विदेशमा कोरोनाबाट मृत्यु भएकाबाहेकको शव परिवारको सहमतिबिना अन्त्येष्टि गर्न मिल्दैन ।