काठमाडौं । नाबालिकाले बलात्कारको आरोप लगाएसँगै करीयर नै धरापमा परेको नेपाली राष्ट्रिय टिमका निलम्बित कप्तान सन्दीप लामिछानेले पहिलो पटक यस आरोपबारे बालेका छन् । सामाजिक सञ्जालमार्फत आफ्नो धारणा राख्दै उनले नेपालको कानुन मान्ने र आफूमाथि लागेको अभियोगको सामना गर्ने बताएका हुन् । आफू क्यारेबियन प्रिमियर लिग (सीपीएल) छाडेर केही दिनमै नेपाल फर्किन लागेको पनि उनले जानकारी गराएका छन् ।
उनले निष्पक्ष छानबिन हुने विश्वास पनि व्यक्त गरेका छन् । हाल क्यारेवियन प्रिमियर लिगका लागि जमैकामा रहेका सन्दीपविरुद्ध नाबालिग बलात्कार आरोपमा उजुरी परेको हो । उनीविरुद्ध पक्राउ पुर्जी नै जारी भएको छ । सोहीकारण उनलाई अब प्रहरीले विमानस्थलमै गिरफ्तार गर्न सक्छ । उनलाई नेपाल क्रिकेट संघ (क्यान)ले बिहीबार साँझ उनलाई राष्ट्रिय टिमबाट निलम्बन गरिसकेको छ ।