काठमाडौं । वैदेशिक रोजगार विभागले आठ सय कामदार इजरायल पठाउने भएको छ । मङ्गलवार सूचना प्रकाशन गरी विभागले २१ दिन भित्र आवेदन दिने इच्छुकहरूलाई आव्हान गरेको छ । नेपाल सरकार र इजरायल सरकारबिच भएको श्रम सम्झौता अनुसार इजरायलका लागि दीर्घकालीन स्याहार केन्द्रमा नेपाली सहायक कामदार पठाउँदै आएको छ ।
इजरायलका दीर्घकालीन स्याहार केन्द्रमा बच्चा, युवा तथा ६५ वर्ष ननाघेका गम्भीर अपाङ्गता भएका व्यक्तिहरूको स्याहारको लागि सहायक कामदारको रूपमा कार्य गर्नु पर्ने हुन्छ । २५ वर्ष पुरा भई ४५ वर्ष ननाघेका नागरिकले सो मुलुकका लागि अवसर पाउने भएका छन् । सुरुमा ५ सय पठाउने र थप माग संख्याका आधारमा ३ सय कामदार पठाइने वैदेशिक रोजगार विभागले सूचना प्रकाशित गर्दै जानकारी दिएको छ । इजरायल जान चाहनेले विभागको वेवसाइटबाट विस्तृत जानकारी लिन सक्ने भएका छन् ।