लण्डन । स्पेनलाई पेनाल्टी सुटआउटमा हराउँदै इटली युरोकप २०२० को फाइनल पुगेको छ । मंगलबार राती सम्पन्न खेलमा स्पेनका दुई खेलाडीको पेनाल्टी गोलमा परिणत हुन सकेन । पहिलो सेमिफाइनलमा इटली ४-२ गोलले विजयी भएको हो । लण्डनको वेम्वली स्टेडियममा भएको खेलको निर्धारित ९० मिनेट र अतिरिक्त समयको खेल १–१ को बराबरीमा सकियो ।
इटलीका मानुएल लोकाटोली प्रहार समेत गोलमा परिणत हुन सकेन । स्पेनका डानी ओल्मोको प्रहार समेत पोष्टबाट बाहिरिएको हो । इटलीका आन्द्रे बेलोट्टी, लिओनार्दो बोनुची र जर्गिन्होले गोल गरे । स्पेनका लाग जेरार्ड मवरेनो र थियागो अलकान्टाराको प्रहार गोलमा परिणत भयो । ९० मिनेट भित्रै स्पेनले पाएको पेनाल्टीमा भने अल्भारो मोराटा चुकेका थिए ।
निर्धारित समयको ६०औं मिनेटमा फेडेरिको चिएसाले इटलीलाई अग्रता दिए । ८०औं मिनेटमा मोराटाले बराबरी गोल फर्काए । यो जितसँगै इटली ३३ खेलसम्म अपराजित रहेको छ । फाइनलमा इटलीले इंग्ल्याण्ड र डेनमार्कबीचको विजेतासँग खेल्नेछ । दोस्रो सेमिफाइनल आज राती नेपाली समय अनुसार पौने १ बजे हुनेछ ।