उत्तराखण्ड । भारतको उत्तराखण्डस्थित एक बाँध भत्किँदा आएको बाढीले बगाएका डेढ सय मानिस अझै वेपत्ता छन् । उनीहरुको खोजीका लागि सयौं सैनिक परिचालन गरिएको भारतीय संचारमाध्यमले जनाएका छन् । यस घटनामा ९ जनाको शव फेला परेको छ । १६ जनाको भने जिवितै उद्धार भएको छ ।
उत्तराखण्डस्थित चमोली जिल्लामा हिमपहिरोपछि आएको बाढीले बाँध भत्काएपछि तल्लो तटीय क्षेत्रमा ठूलो बाढी पसेको थियो । यो घटना आइतबारको हो । कैयन् गाउँहरूबाट मानिसहरूलाई सुरक्षित स्थलमा पठाइएको छ ।
हराइरहेकामध्ये अधिकांश स्थानीय जलविद्युत आयोजना निर्माणमा संलग्न मजदुर हुन् । प्रधानमन्त्री नरेन्द्र मोदीले अवस्थाको अनुगमन गरिरहेको बताएका छन्। भारत सरकारले मृतकका परिवारलाई जनही दुई लाख र प्रदेश सरकारले जनही ४ लाख क्षतिपर्ति दिने घोषणा गरेका छन् ।