३ भदौ, काठमाडौं । नेपाल कम्युनिष्ट पार्टी (माओवादी केन्द्र)ले सुशासन, सामाजिक न्याय र आर्थिक समृद्धिका निम्ति जनअपेक्षानुसार सरकारले काम गर्न नसकेको आरोप लगाएको छ । पार्टी अध्यक्ष पुष्पकमल दाहाल ‘प्रचण्ड’को अध्यक्षतामा भएको पदाधिकारी बैठकले जनताका विकासका चाहना पूरा गर्ने दिशामा सरकारले लक्ष्यित उपलब्धि हासिल गर्न नसकेको निष्कर्ष निकालेको पार्टी प्रवक्ता अग्निप्रसाद सापकोटाले जानकारी दिए ।
बैठकमा अध्यक्ष दाहालले राष्ट्रिय एवं अन्तरराष्ट्रिय परिस्थितिका बारेमा ‘ब्रिफिङ’ गरेका थिए । सत्तारुढ दलमा अहिले उपसभामुख हटाउने गरी तयारी गरिएको छ । सोही क्रममा एमाले र कांग्रेसले सांसदहरुको हस्ताक्षर संकलन गरेका छन् । नेताहरुले सो हस्ताक्षर संसदबाट उपसभामुख इन्दिरा रानालाई हटाउने लक्ष्यका साथ गरिएको बताएका छन् । उनी रास्वपाबाट सांसद छिन् ।