काठमाडौं । नेकपा (एकीकृत समाजवादी) ले दुइ वटा प्रदेशको मुख्यमन्त्री पद पाउने भएको छ। अहिले एमालेले नेतृत्व गरिरहेको प्रदे्श नं १ र बागमती प्रदेशको सरकार ढालेर त्यसको ठाउँमा अब एकिकृत समाजवादी पार्टीको मूख्यमन्त्री बन्ने भएका छन् । सत्तारुढ दलको बैठकले यस्तो निर्णय गरेको हो । पार्टीको बिहीबार बरेको स्थायी कमिटी बैठकमा अध्यक्ष माधव कुमार नेपालले यस्तो जानकारी गराएका हुन् ।
बागमती प्रदेश र प्रदेश १ मा एकीकृत समाजवादीलाई मुख्यमन्त्री दिने सहमति गठबन्धन बैठकमा भएको माधव नेपालले स्थायी कमिटी बैठकमा ब्रिफिङ गरेका हुन् । कानुन मन्त्रालय कांग्रेसले राखेर त्यसको साटो स्वास्थ्य मन्त्रालय समेत समाजवादी पार्टीले पाउने उनले बताएका छन् । पार्टीको बैठकले मन्त्री छान्ने जिम्मा भने शीर्ष नेतालाई दिएको छ । माधव कुमार नेपाल, झलनाथ खनालसहित उच्च नेता रहेको सचिवालयले मन्त्री छनोट गरि प्रधानमन्त्री शेरबहादुर देउवालाई दिने छ ।