काठमाडौं । सोमबार बिहानैबाट राजनीतिक सरगर्मी बढेको छ । गठबन्धनमा खटपट आएको संकेतसँगै माओवादीप्रति एमाले लचक बनेको छ । यसबाट कांग्रेस शसंकित बन्दा गठबन्धन फेरिने सम्भावना समेत बढेको छ । आज गठबन्धनको बैठक बिहान ७ बजे बालुवाटरमा बोलाइएको थियो । तर, बैठक स्थगित भएको छ । तर, प्रमुख प्रतिपक्षी दलहरु एमाले र रास्वपाले आकस्मिक रुपमा सचिवालय बैठक बोलाएका छन् ।
उता, प्रधानमन्त्रीलाई भेट्न कांग्रेस सभापति शेर बहादुर देउवा समेत बालुवाटार पुगेको खबर छ । यसले गठबन्धन बचाउन कति भूमिका खेल्छ भन्ने जिज्ञासा मेटाउन बाँकी छ । कांग्रेसका मन्त्रीहरुको भूमिकाप्रति पछिल्लो समय प्रधानमन्त्री संतुष्ट छैनन् । सोहीकारण गठबन्धन जोगाउन मन्त्री फेर्ने प्रस्ताव सभापति देउवाले गर्न सक्ने समेत सम्भावना छ ।