एमालेमा सहमतिको भाका आइतबारलाई सर्यो

काठमाडौं । नेकपा एमालेको विवाद शनिबार समेत टुंगिन सकेन । विवाद हल गर्नको लागि गठन भएको कार्यदलको बैठक बीना निष्कर्ष सकिएको छ । शनिबार निर्धारित समयभन्दा ढिला गरी सिंहदरबारमा बैठक बसेको थियो। बैठकपछि कार्यदलका सदस्य सुवास नेम्वाङले कार्यदलको काम टुगिंएको र आइतबार बिहानै सार्वजनिक गरिने बताए । निकै मेहनत गरि सहमति टुंगेको उनको भनाई छ । कार्यदलमा अदालतलाई प्रभावित पार्ने गरि कुनै बुँदा उल्लेख नगर्ने सहमति जुटेको बताइएको छ । संसद विघटनको मुद्दा अदालतमा विचाराधिन रहेको छ ।