काठमाडौं-संस्कृति नागरिक तथा पर्यटन मन्त्री बद्री पाण्डेले ऐतिहासिक तथा सांस्कृतिक महत्व बाेकेका पर्वहरू अमूल्य निधि भएको बताएका छन् ।
आईतबार राताे मच्छिन्द्र नाथकाे यात्राकाे सन्दर्भमा शुभकामना दिँदै मन्त्री पाण्डेले सहकाल र वर्षाका देवताका रुपमा चिनिने रातो मच्छिन्द्र नाथको रथयात्राकाे छुट्टै विशेषता रहेकाे बताए । नेपाल भाषामा बुंग द्यः भनिने राताे मच्छिन्द्र नाथकाे रथयात्राले प्रकृति र संस्कृतिलाई जीवन्त बनाउने विश्वास व्यक्त गरे ।
मन्त्री पाण्डेले शुभकामना सन्देशमा भन्नू भएकाे छ, ऐतिहासिक तथा सांस्कृतिक महत्वको यो पर्व हाम्रा अनेकन अमूर्त सम्पदा मध्यको एक विशिष्ठ सम्पदा हो । हरेक वर्ष बैशाख शुक्ल प्रतिपदाबाट सुरु भई असार शुक्ल चौथीमा समापन गरिने यो जात्रा विश्वमा नै लामो समयसम्म चल्ने जात्राको रुपमा रहेको छ । यो पर्वलाई विश्वभर चिनाउन सके हामीले विदेशी पर्यटकलाई समेत आकर्षित गर्न सक्ने प्रशस्त सम्भावना रहेकाे छ ।
जात्राकाे अवसरमा राष्ट्रपति,उपराष्ट्रपति,प्रधानमन्त्री,मन्त्रीहरूका साथै अन्य विशिष्टकृत व्यक्तित्वहरूकाे समेत उपस्थिति रहेकाे थियाे