काठमाडौंं । कोरोना भाइरसको नयाँ भेरियन्ट ओमिक्रोन दक्षिण अफ्रीकाबाट पहिलो पटक देखा परेको थियो । यसमा सो मुलुकले धेरै अध्ययन समेत गरेको छ । ओमिक्रोन अहिले तिकै तिव्रताका साथ विश्वभर फैलिरहेको छ । खासगरि यूरोपमा यसले बढी नै प्रभाव पारेको छ । यसैबीच दक्षिण अफ्रीकाका डाक्टर कोएत्जीले खोप नै यस भाइरसको न्यूनिकरणको एक मात्र उपाय रहेको बताएका छन् ।
अन्तर्राष्ट्रिय संचारमाध्यमहरुका अनुसार खोपको पूर्ण मात्रा लगाएकाहरुमा ओमिक्रोनको प्रभाव निकै कम छ । डाक्टर कोएत्जीले ओमिक्रोन देखिए पनि खोप लगाएका मानिसमो त्यसको प्रभाव निकै कम परेको बताएका छन् । जसका कारण मानिस अस्पताल मै पुग्नु पर्ने अवस्था आउँदैन । खासगरि विकसित मुलुकमा खोप उपलब्ध भएर पनि मानिसहरुले लगाएका छैनन् । गरिब मुलुकहरुले खोप नै नपाएको अवस्था छ । यो असमानताका कारण ओमिक्रोनले विश्वभर पुनः नराम्रो प्रभाव पार्ने हो की भन्ने चिन्ता भने अहिले पनि जनाइएको छ ।