काठमाडौं । पुर्वप्रधानमन्त्री केपी शर्मा ओलीले संविधान मिचेर प्रतिनिधिसभा विघटन गर्ने निर्णयलाई साथ दिँदै सरकारमा गएको जसपाको महन्थ ठाकुर पक्ष राजनीतिक कोर्ष बदलिउपछि भने अब पार्टी भित्र कमजोर अवस्थामा पुगेको छ । निर्वाचन आयोगले १२ असार २०७७ मा कायम कार्यकारिणी समितिमा बहुमत पुर्याउने पक्षलाई नै जनता समाजवादी पार्टी (जसपा) को आधिकारिता दिने निर्णय गरेको छ ।
यसका लागि अब आयोगले समितिका सदस्यहरुको संख्या जोड्ने भएको छ । आयोगले कार्यकारिणी समितिका सदस्यलाई आगामी ११ साउनमा सनाखत गर्न बोलाएको छ । कार्यकारिणी समितिमा बाबुराम भट्टराई र उपेन्द्र यादवको बहुमत छ । सोहीकारण जसपामा आधिकारिका उपेन्द्र यादवले पाउने निश्चित जस्तै बनेको छ । तत्कालीन समाजवादी पार्टी र राष्ट्रिय जनता पार्टीबीच एकता भउप्ीछ जनता समाजवादी पार्टी, नेपाल दर्ता भएको हो ।
त्यसबाट ५१ सदस्यीय कार्यकारिणी समितिका सदस्य तोकिएको थियो । उनीहरुलाई नागरिकताको सक्कल र मतदाता परिचय पत्रको सक्कल लिएर उपस्थित हुन आयोगले आग्रह गरेको छ । शुरुमा ओलीको कदमलाई साथ दिएका महन्थ ठाकुर र राजेन्द्र महताले वर्तमान सरकारलाई समेत समर्थन गरेका छन् । यसले पार्टी अब कसरी अगाडी बढ्छ भन्ने चाँही ११ साउनपछि प्रष्ट हुने छ ।