विराटनगर । नेकपा एमालेका अध्यक्ष केपी शर्मा ओलीले संसदमा जारी अवरोध चुनावसम्मै कायम रहने बताएका छन् । एमालेले कारवाही गरेका सांसदलाई सभामुखले कारवाही नगरेको विरोधमा एमालले संसदमा अवरोध जारी राखेको छ । संसदमा एमालेको अवरोध चुनावसम्मै रहने ओलीले शनिबार विराटनगरमा पत्रकारसँगको कुराकानीमा बताए ।
आफूहरूले पार्टीबाट निकालेका मान्छेलाई राखेर सरकारले बोलाएको सर्वदलीय बैठकमा आफूहरू नजाने उनको भानाई छ । यस्तो भनाई माधव नेपालप्रति लक्षित गरि आएको हो । उनले चुनाव छिटो गर्नुपर्ने भन्दै त्यसपछि एमालेको सरकार आउने दावि समेत गरे । चुनावले अन्य पार्टीलाई धोवीपाट लगाउने र एमालेको सत्ता आउने उनको दावि छ । एमसीसीबारे प्रतिक्रिया दिँदै उनले सरकारले अहिलेसम्म एमसीसी बारे नीति ल्याउनै नसकेको समेत बताए ।