काठमाडौं । अघिल्लो साता (असोज ४)मा काठमाडौंको कपनस्थित मिलनचोकबाट ढलमा बगेर वेपत्ता भएका बालको शव शनिबार राती भेटिएको छ । ललितपुर प्रहरीका अनुसार उनको शव ललितपुर र मकवानपुरको सीमा क्षेत्रमा पर्ने बागमती गाउँपालिका–१ घुसेलमा भेटिएको हो । असोज ४ गते साँझ ढलमा खसेका १० वर्षीय बालक उज्ज्वल विश्वकर्माको शव कपडाको आधारमा परिवारले पहिचान गरेका हुन् ।
शव बागमती नदी किनाराबाट मूल सडकसम्म ल्याउन करिब दुई घण्टा पैदल हिँड्नुपर्ने हुन्छ । शव पोष्टमार्टमका लागि पाटन अस्पताल लगिएको थियो । लापरवाहीका कारण ढल खुला रहेको अवस्थामा बालकले ज्यान गुमाउनु परेको यो घटनापछि सरकारको चर्को आलोचना भएको छ ।