काठमाडौं । काठमाडौं, कलङ्कीस्थित खड्का गाउँ भन्ने स्थानमा एक घरमा भएको आगलागीमा परी एक जनाको मृत्यु भएको छ । प्रहरीका अनुसार जाडो छल्न विद्युतीय हिटर बालेर सुतेका ८६ वर्षिय शिवराम खड्काको जलेर ज्यान गएको हो ।
आफ्नो घरको दोस्रो तलाको कोठामा हिटर बालेर सुतेका खड्काको जलेर ज्यान गएको महानगरीय प्रहरी वृत्त कालीमाटीले जनाएको छ । हिटर बालेर सुतेकै बेला विद्युत सर्ट भएर आगलागी भएको अनुमान प्रहरीको छ ।
घरमा रहेका अरु मानिसले जलेको गन्ध आएपछि थाहा पाएका थिए । त्यतिन्जेल खड्काको ज्यान गइसकेको अवस्थामा प्रहरीलाई खबर गरेका थिए ।