कांग्रेसको महाधिवेशन मंसिर २७ बाट गर्न प्रस्ताव

काठमाडौं । नेपाली कांग्रेसको महाधिवेशन २७ मंसिरबाट शुरु गर्न निर्वाचन समितिले प्रस्ताव गरेको छ । पार्टीको १४ औं महाधिवेशनको मिति पटक पटक सार्दा पार्टीको आलोचना भइरहेको छ । निर्वाचन समितिको बुधबार बसेको बैठकले रोकिएको वडा अधिवेशन कात्तिक २७ गतेबाट सुरु गर्ने निर्णय गरेको हो । प्रदेश अधिवेशन मंसिर १६ र १७ मा गर्ने र केन्द्रीय महाधिवेशन २७ देखि २९ सम्म गर्न प्रस्ताव गरिएको हो । निर्वाचन समितिले पार्टी नेतृत्वलाई यो मिति प्रस्ताव गरेको हो । पार्टीको पदाधिकारी बैठकले मिति तोक्ने छ ।