विराटनगर । नेपाली कांग्रेसको प्रदेश १ को सभापतिमा देउवा पक्षका उमेदवार उद्धव थापा दुई मतले विजयी भएका छन् । उनले थापाले रामचन्द्र पौडेल पक्षका गुरुराज घिमिरेलाई पराजित गरे । थापाको पक्षमा ८४४ मत र घिमिरेको पक्षमा ८४२ मत परेको थियो । पदाधिकारीमा एक महामन्त्रीबाहेकका अन्य पदमा थापा समूहको प्यानल विजयी भएको छ ।
उपसभापतिमा संस्थापन पक्षका रमेशजंग रायमाझी ८९१ मत र टंकप्रसाद राई ८४७ मत ल्याएर जिते । महामन्त्रीमा संस्थापन पक्षका भूपेन्द्र राई ८२४ र संस्थापन इतरका उमेश थापा ८२३ मत ल्याएर विजयी भए । सहमहामन्त्रीमा खड्ग फागो लोकप्रिय मतसहित विजयी भए । उनले १०२६ मत पाए । सहमहामन्त्री मै प्रमिल गच्छदार ८३७ मतसहित विजयी भइन् ।