काठमाडौं । नेपाली कांग्रेसका महामन्त्री विश्वप्रकाश शर्माले मतदाता नामावलीमा नाम लेखाउन अपिल गरेका छन्। सरकारले संघीय र प्रदेश सभा सदस्य निर्वाचनका लागि मिति घोषणा गर्ने तयारी गरेकोले त्यसअघि नै मतदाता नामावलीमा नाम दर्ता गराउन महामन्त्री शर्माले अपिल गरेका छन्।
सोमबार एक भिडिओ सन्देश सार्वजनिक गर्दै महामन्त्री शर्माले मतदाता नामावलीमा नाम लेखाउन आग्रह गरेका छन् । मतदाता नामावलीमा नाम नहुनेले मतदान गर्न नपाउने स्मरण समेत उनले गराएका छन् । नेपालमा मंसिर पहिलो साता संघीय तथा प्रदेश सभा निर्वाचनको तयारी भइरहेको छ ।