काठमाडौं । सोमबार काठमाडौंमा यस सिजनकै सबैभन्दा चिसो कायम भएको छ । आज न्यूनतम तापक्रम ५ दशमलव ४ डिग्री सेल्सियसमा झरेको मौसम पूर्वानुमान महाशाखाले जनाएको छ । आइतबार काठमाडौंको न्यूनतम तापक्रम ६ डिग्री सेल्सियस थियो ।
न्यूनतम तापक्रम घट्दै जाँदा देशैभर चिसो बढेको हो । हिमाली जिल्लामा हिमपात समेत शुरुभएको छ । तराईका जिल्लामा पनि बिहानको समयमा हुस्सु र कुहिरोले जनजीवन प्रभावित हुन थालेको छ । दिउँसो भने घाम लाग्दा चिसो महसुस हुदैन । सोमबार समेत दिउँसोको मौसम सामान्यतया सफा रहने भएको छ ।