काठमाडौं । काठमाडौं महानगरपालिका–६ फैकास्थित राधाकृष्ण मन्दिर नजिक एक घरको कोठामा युवक–युवती मृत फेला परेको प्रहरीले जनाएको छ । स्थानीय संचारमाध्यमले प्रहरीलाई उदृत गर्दै जनाए अनुसार संखुवासभा घर भएका २५ वर्षीय अनिस जिमी र खोटाङकी युसुना राई मृत फेला परेका छन् ।
बौद्ध प्रहरीका अनुसार उनीहरु डेरामा सँगै बस्दै आएका थिए । उनीहरुको शरीरमा धारिलो हतियार प्रहार भएको प्रारम्भिक अनुसन्धानमा खुलेको छ । घटनास्थलमा धारिलो हतियारसमेत भेटिएको प्रहरीको भनाई छ । प्रहरीले घटनाबारे अनुसन्धान समेत अगाडी बढाएको छ ।