काठमाडौं । राजधानी काठमाडौंसहित देशका विभिन्न स्थानमा बिहीबार राति तिब्र हुरिबतास चलेको छ । यसले जनजीवन प्रभावित पारेको छ । हावाको गति सार्वजनिक भएको छैन । तर, रात्रीकालिन सेवामा खटिएका, सडकमा यात्रारत रहेका मानिसहरुलाई भने आज प्रभावित बनाएको छ । हावाहुरीको क्षतिको विवरण भने आइसकेको छैन ।
देशको दक्षिण पश्चिमबाट मेघ गर्जन र चट्याङ सहित वर्षा गराउने बादल विकसित भएको र यो उक्त प्रणाली उत्तरपूर्वतर्फ सर्ने क्रममा रहेकाले मौसम प्रतिकुल बनेको हो । प्रिमनसुन भएका कारण यो समयमा हावाहुरी तथा मेघ गर्जन र वर्षा हुनुलाई सामान्य मानिन्छ । केहीबेरको हुरिबतासपछि राजधानीसहित विभिन्न स्थानमा मेघ गर्जन र वर्षा जारी रहेको छ । स्थानीय समय अनुसार राती १० बजेको अपडेट अनुसार वर्षा जारी रहेको हो ।