काठमाडौं । काठमाडौंको नयाँ बसपार्कस्थित गेष्ट हाउसमा एक युवक मृत अवस्थामा फेला परेका छन् । महानगरीय प्रहरी वृत्त महाराजगञ्जका अनुसार गोङ्गबुको गोदावरी सन्तोषी गेस्ट हाउसमा स्याङ्जाका नारायणबहादुर घर्ती क्षेत्रीको शव फेला परेको छ ।
शनिबार राति १० बजे गेस्ट हाउसको कोठा नम्बर २०४ मा शव भेटिएको थियो । नागरिकताको आधारमा मृतकको परिचय खुलेको हो । शव पोष्टमार्टमका लागि महाराजगञ्जस्थित त्रिवि शिक्षण अस्पताल पठाइएको प्रहरीले बताएको छ ।
प्रहरीले कोठामा घर्तिसँगै बसेका राजकुमार गाहा र झक्कुराम बस्नेतलाई पक्राउ गरेको छ । घटनाबारे थप अनुसन्धान भइरहेको जनाएको छ । गेष्टहाउसमा सँगै बसेका दुई जना शनिबार राती नै उपत्यकाबाट भागेको र बाहिरबाट पक्राउ गरिएको प्रहरीले जनाएको छ ।