काठमाडौं । महिला भलिबलका लागि आज इतिहास बनाउने अवसर आएको छ । नेपालले काभा वुमन्स नेसन्स लिगको फाइनलमा आज भारतको सामना गर्दैछ । मंगलबार नेपालले इरानलाई र भारतले श्रीलंकालाई हराउँदै फाइनल पुगेका छन् । सन् २०१९ मा दक्षिण एसियाली खेलकुद सागमा भारतसँग बेष्ट अफ फाइभ खेल्दै घरेलु मैदानमा उपाधि गुमाएको नेपाली टिमलाई बदला लिने अवसर आज छ ।
यही प्रतियोगितामा शनिबार लिग चरणको खेलमा भारतलाई हराएकाले नेपाली टिम उच्च मनोबलका साथ उत्रने छ । नेपालले प्रतियोगितामा सहभागी सबै टिमलाई हराएको छ । नेपालले लिग चरणमा भारत, माल्दिभ्स र श्रीलंकालाई हराउन सफल भयो । इरानसँग भने हार व्यहोर्यो । इरानसँग लिग चरणमा भोगेको पराजयले कमजोरी सच्याउँदै सेमिफाइनलमा हराउन सफल भयो । मंगलबार इरानसँगको सेमिफाइनल खेलमा नेपालले इरानलाई ३–० को सोझो सेटमा हरायो ।