काठमाडौं । काठमाडौंको कीर्तिपुरमा पौडी खेल्ने क्रममा डुबेर दुई बालकको ज्यान गएको छ । कीर्तिपुर नगरपालिका–६ टौदहस्थित पोखरीमा पौडी खेल्ने क्रममा डुबेर दुई बालकको ज्यान गएको प्रहरीले जनाएको छ । मृत्यु भएका दुईजना बालकको शव सशस्त्र प्रहरीले फेला पारेको हो ।
टौदहस्थित बागमती नदीको किनारमा रहेको पोखरीमा पौडी खेल्ने क्रममा डुबेका दक्षिणकाली नगरपालिका–१ का ८ वर्षीय कृष्ण मगर र ११ वर्षीय प्रशान्त सुनुवारको शव बिहीबार फेला परेको हो । सशस्त्र प्रहरी बलको निलबाराही गणबाट खटिएको टोलीले उनीहरुको शव पोखरीबाट बाहिर ल्याएको सशस्त्र प्रहरीले जनाएको छ । घटनाबारे थप अनुसन्धान भइरहेको प्रहरीको भनाई छ ।