प्रयागराज । भारतको उत्तरप्रदेशस्थित प्रयागराजमा जारी महाकुम्भ मेलामा भएको भागदौडमा ज्यान गुमाउनेको संख्या ३० पुगेको प्रशासनले पुष्टी गरेको छ । घटनाबारे मूख्यमन्त्री योगी आदित्यनाथले औपचारिक बयान दिएका छन् । उनले घटना दुर्भाग्यपूर्ण रहेको बताए । उनका अनुसार घटना संगम तट निर भएको हो । भीड नियन्त्रण गर्न राखिएका ब्यारियर्स तोड्ने र त्यसमाथि भीड कुद्ने काम भएको उनले जानकारी दिए ।
प्रशासनले प्रयागराजको सबै घाटमा स्थान खुला गरी सहज बनाए पनि केही मानिस संगम तटमै पुग्ने अडिगमा रहँदा घटना भएको बताइएको छ । उनका अनुसार घटनामा ३६ भन्दा बढी घाईते छन् । उता राज्य सरकारले मृतकका परिवारलाई २५÷२५ लाख क्षतिपूर्ति दिने घोषणा समेत गरेको छ ।