न्यूयोर्क
टि बी (ट्युबरक्लोसिस) रोग बिरुद्धको खोप अनिबार्य गरिएका देशहरुमा कोरोना भाईरसका कारण मृत्यु हुनेहरुको संख्या निक्कै कम देखिएको एक अध्ययनले देखाएको छ । टि बि बिरुद्धको खोप अनिबार्य नगरिएका देशहरुमा कोरोनाको कारण मृत्यु हुनेको संख्या अधिक भएपनि यो खोप अनिबार्य भएका देशहरुमा भने कोरोना संक्रमित र मृत्यु हुनेको संख्या निकै न्युन भएको उक्त अध्ययनले देखाएको छ । चिकित्सा बिषयका अप्रकाशित अनुसन्धान (अन पब्लिस मेडिकल रिसर्च ) हरुलाई स्थान दिदै आएको मेडरिक्सभी (medRxiv) नामक न्युज साईटले उक्त अध्ययनको बारेमा लेखेको छ – हाल संसारमा महामारीका रुपमा फैलिएको कोरोना संक्रमित र मृत्यु हुनेको संख्या बि सि जि ( BCG ) bacille calmette Guerin भ्याक्सिन अनिबार्य भएका देशमा निकै न्युन देखिएको छ । यद्यपी यो अध्ययनको अन्तिम निर्णय भने होईन । यो अनुसन्धानको लागि हाल विश्वका ६ वटा देश्हरुमा कोरोनाका बिरामीको उपचारमा अग्रपङ्तीमा काम गर्ने चिकित्सकहरु र बृद्धबृद्धाहरुलाई बि सि जि खोप दिएर अनुसन्धान सुरु गरिएको छ । यसको अन्तिम निर्णय आउन भने केही महिना लाग्ने बाताईएको छ ।
हाल जनसंख्याको ठुलो हिस्सामा कोभिड -१९ देखिएका उच्च प्रतिब्यक्ति आय भएका अमेरिका र ईटालीजस्ता देशहरुमा बि सि जि भ्याक्सिन आवस्यकता अनुसार मात्र लगाउने ब्यबस्था छ । यस्ता देशहरुमा बि सि जि भ्याक्सिन अनिबार्य छैन । जर्मनी, स्पेन, फ्रान्स, ईरान र बेलायतमा धेरै पहिले बि सि जि भ्याक्सिन अनिबार्य भएपनि यि देशहरुमा दसकौं पहिला बि सि जि भ्याक्सिनको ब्यबस्थालाई हटाईएको थियो । कोरोना महामारीको ऊद्गगम स्थल चीनमा बि सि जि भ्याक्सिन लगाउने ब्यबस्था भएपनि सन् १९७६ देखि यो भ्याक्सिनको पालना सही ढंगले हुने नगरेका कारण अधिकांस चिनियाहरुले बि सि जि खोप लिने नगरेको न्युयोर्क ईन्स्टिचुट अफ टेक्नोलोजीका एसिस्टेन्ट प्रोफेसर गोंजालो ओटजुले बताएका छन् । कोरोना भाईरसलाई छिट्टै ब्यबस्थापन गर्न सफल दक्षिण कोरिया र जापानमा प्रत्येक नागरिकले बि सि जि भ्याक्सिन लिनु पर्ने वाध्यकारी ब्यबस्था छ । यो अनुसन्धानको नेतृत्व हाल न्युयोर्क ईन्स्टिचुट अफ टेक्नोलोजीका एसिस्टेन्ट प्रोफेसर गोंजालो ओटाजुले गरिरहेका छन् । चीन भन्दा बाहिर कोरोना देखिएको अर्को मुलुक जापानमा न्युन संख्यामा कोरोना संक्रमित देखिएको र बिना लक डाऊन नै ठुलो क्षती बिना नै कोरोनाको ब्यबस्थापन गर्न सफल भएको देखेपछि प्रोफेसर ओटाजुले बि सि जि खोप र कोरोना रोकथामका बिषयमा अनुसन्धान सुरु गरेका हुन् । यो बिषयमा ओटाजुले बताएका छँन् – बि सि जि भ्याक्सिनले टि बिको ब्याक्टेरिया मात्र होईन यसले अन्य सरुवा रोगबाट पनि बच्न मद्धत पुग्ने अनुसन्धानबाट देखिसकेको छ ।
झन्डै १२ लाख मानिस विश्वभर संक्रमित भएर ६४ हजारले ज्यान गुमाई सक्दा पनि सिंगो विश्व कोभिड -१९ सँग पौँठेजोरी खेल्दै छ । कोरोना बिरुद्धको भ्याक्सिन पनि बर्षौं पर छ भने उपचारमा प्रयोग गर्ने औषधी पनि अनुसन्धानको क्रममा नै छ । यस्तो अप्ठेरो परिस्थितीमा यदी बि सि जि भ्याक्सिनले कोभिड -१९ बिरुद्धको खोजी गर्नु उचित नै हुन्छ भनेका छन् । युनिभर्सिटी अफ टोरन्टो ईम्युनोलोजी डिपार्ट्मेन्ट्का प्रोफेसर ईलोनोर फिस । कोरोना भाईरस बिरुद्ध बि सि जि भ्याक्सिनको प्रभाबकारीता बारे अनुसन्धानका क्रममा नेदरल्यान्डस्थित रडबाउन्ड युभर्सिटी मेडिकल सेन्टरका सरुवारोग बिशेषज्ञ मीहाई नेतालको समुहले चार सयजना अग्रपङ्तीमा कार्यरत चिकित्सकहरुमा बि सि जि भ्याक्सिन दिई सकेको छ । यद्यपी यो अनुसन्धानको रिजल्ट आउन दुई महिना लाग्ने बताईएको छ ।