नयाँ दिल्ली । कोरोना भाइरसका कारण नेपालको छिमेकी मुलुक भारतमा एकैदिन २३ जनाको मृत्यु भएको छ। नेपालका लागि भारतको स्वास्थ्य अवस्था निकै महत्वपूर्ण हुने गर्छ ।
किनकी भारतमा संक्रमण बढ्दा त्यसको प्रत्यक्ष प्रभाव नेपालसम्म हुने गर्छ । भारतमा कोरानका कारण सबैभन्दा धेरै मानिसले ज्यान गुमाएको यो पहिलो पटक हो ।
मंगलबार ३ जनाले मात्र ज्यान गुमाएकोमा बुधबार एकै दिन २३ जना मानिसको ज्यान गएको हो । भारतमा कुल मृत्यु हुनेको संख्या ५८ पुगेको छ।
भारतमा बुधबार मात्र ६ सय १ जना संक्रमित भेटिए । यो पनि अहिलेसम्मकै सबैभन्दा धेरै हो । भारतमा कोरोना भाइरसबाट संक्रमित बिरामी भने करिब दुई हजार पुगेका छन् ।
भारतमा कोरोना भाइरसको जोखिम फैलन नदिन २१ दिनको लकडाउन जारी रहेको छ ।