मिचिगन
अमेरिकाको मिचिगन राज्यमा कोरोना संक्रमणको समयमा अग्रपङ्तिमा बसेर काम गर्ने प्रत्येक आत्यावश्यक सेवाका कामदारले नि:शुल्क कलेज अध्ययनको मौका पाउने भएका छन् । गत अप्रिल महिनाको बुधबार राज्यकी गभर्नर ग्रिचेन व्हिटमरले “फ्यूचर फर फ्रन्ट लाइनर्स” नामक एक कार्यक्रम सार्वजनिक गर्दै कोभिड -१९ को महामारीमा समेत आफ्नो स्वास्थलाई जोखिममा राख्दै सेवा दिने त्यस्ता सबै कामदारलाई निशुल्क प्राबिधिक र कलेज शिक्षा प्रदान गरिने घोषणा गरेकी हुन् । गभर्नर व्हिटमरले राज्यद्वारा घोषित नयाँ कार्यक्रम बारे भनेकी छिन्; “यस्तो बिषम परिस्थितीमा सेवा प्रदान गर्ने जस जस्को कलेज डिग्री छैन उनिहरुले कलेज शिक्षा निसुल्क प्राप्त गर्ने मौका पाउने छन् भने जस्ले प्राबिधिक शिक्षा सिकेर प्रमाणपत्र लिन चाहेका छन्, उनिहरुले प्राबिधिक शिक्षा निसुल्क पाउने छन् ।
गभर्नर व्हिटमरद्वारा घोषणा गरिएको नयाँ कार्यक्रममा अत्यावश्यक सेवाहरु अस्पताल नर्सिङ होममा कोरोना महामारीको समयमा काम गर्ने कर्मचारी किराना पसलमा काम गर्ने कर्मचारी र पि पि ई उत्पादक कम्पनीका कामदार लगायत अन्य थुप्रै सेवाका कामदार पर्ने छन् । कार्यक्रमको पूर्ण विवरण भने सार्वजनिक हुन बाँकी नै छ ।
गभर्नर व्हिटमरका अनुसार यस कार्यक्रमका लागि आवश्यक पर्ने बजेट संघीय सरकारको केयर याक्ट र फेडरल वोर्क फोर्सबाट पूर्ति गरिने छ । देशमा भएको महामारीको बिषम परिस्थितीमा पनि अग्रपङ्तीमा बसेर बिभिन्न्न अत्याबस्यक सेवा दिन लागि पर्ने कामदारहरुलाई पुरस्कृत गर्ने यस्तो कार्यक्रम अन्य राज्यहरुले पनि ल्याउने कुरामा आफू बिश्वस्त भएको गभर्नर व्हिटमरले बताएकी छिन् ।