काठमाडौं । खाद्य प्रविधि तथा गुण नियन्त्रण डिभिजन कार्यालय काभ्रेका प्रमुख दीपेन्द्र घिमिरे कार्यालयमै मृत अवस्थामा फेला परेका छन्। प्रहरीका अनुसार शुक्रबार दिउँसो धुलिखेल नगरपालिका ७ स्थित कार्यालय भवनको चौथो तलाको छतमा मृत फेला परेका हुन् ।
जिल्ला प्रहरी कार्यालय काभ्रेका प्रहरी निरीक्षक रजोश घिमिरेलाई उदृत गर्दै सञ्चारमाध्यमले जनाए अनुसार ५० वर्षीय उनी लमजुङ घर भई काठमाडौंको मातातीर्थमा बस्दै आएका थिए। बिहान अफिस आएका उनी करिब ११ बजेतिर छतमा भएको ट्रसमा झुण्डिएको अवस्थामा फेला परेका हुन्। घटनास्थलबाट कुनै सुसाइड नोट फेला परेको छैन । प्रहरीले घटनाबारे अनुसन्धान थालेको बताएको छ ।