काठमाडौं । गगन थापासहित प्रमुख प्रतिपक्षी दल नेपाली कांग्रेसका चार सांसदले वायु प्रदुषणबारे सार्वजनिक महत्वको प्रस्ताव दर्ता गरेका छन् । वायु प्रदूषण बढेको र यसबारे छलफल गर्न अत्यावश्यक रहेको भन्दै सांसदहरुले संसदमा जरूरी सार्वजनिक महत्वको प्रस्ताव दर्ता गरेका हुन् ।
वायु प्रदूषण न्युनिकरण गर्न तत्काल गर्नुपर्ने काम र दीर्घकालीन रूपमा गर्नुपर्ने तयारी तथा पहल कदमीबारे छलफल गर्न काठमाडौं उपत्यकाका जनप्रतिनिधिका रूपमा चार सांसदले प्रस्ताव दर्ता गरेका छन् ।
मंगलबार बस्ने संसद बैठकमा यस प्रस्तावबारे महत्वपूर्ण छलफल हुने विश्वास सांसदहरुको छ । थापासहित भिमसेनदास प्रधान, राजेन्द्रकुमार केसी र जीवनराम श्रेष्ठले वायु प्रदूषणबारे प्रस्ताव संसदमा आइतबार दर्ता गरेका छन् ।