काठमाडौं । महानगरपालिका र उपमहानगरपालिकाको प्रमुखमा करीव करीव सहमति जुटाएका सत्तारुढ गठबन्धनबीच महानगरपालिकाको उपमेयरमा समेत भागवण्डा मिलेको छ । मंगलबार बसेको गठबन्धनको बैठकले कांग्रेसलाई तीन र अरुलाई एक÷एकवटा महानगरमा उपमेयर दिने गरि भागवण्डा गरेको छ ।
सहमति अनुसार काठमाडौ, ललितपुर र बिराटनगरमा मेयर पाएको कांग्रेसले पोखरा, वीरगञ्ज र भरतपुरको उपमेयरमा टिकट पाएको छ । पोखराको मेयर निश्चित गरेको नेकपा एकीकृत समाजवादीले गठबन्धनका तर्फबाट काठमाडौंमा उपमेयरमा प्रतिष्पर्धा गर्ने भएको छ । ललितपुरमा माओवादीले उपमेयर पाएको छ । बिराटनगरमा जसपालाई उममेयर बनाइने छ ।