गोरखा । गोरखाको बारपाकमा एकै परिवारका तीन जना मृत अवस्थामा फेला परेका छन् । प्रहरीका अनुसार गोरखाको सुलिकोट गाउँपालिका–१ बारपाकमा ८४ वर्षिय वृद्धसहित तीन जना मृत फेला परेका हुन् । ८४ वर्षीय टिल बहादुर गुरुङ, उनकी २२ वर्षीया बुहारी आइत कुमारी गुरुङ र १३ वर्षीया नातिनी उषा गुरुङ सोमवार बिहान घरमा मृत फेला परेको प्रहरीको भनाई छ ।
बिहान अवेरसम्म घरको ढोका नखुलेपछि गाउँलेले ढोका खोलेका थिए । त्यसक्रममा उनीहरुलाई मृत अवस्थामा देखेपछि गाउँलेले प्रहरीलाई खबर गरेका थिए । मृतकहरुको मुखबाट फिज आएको प्रहरीले बताएको छ । विषालु च्याउका कारण ज्यान गएको हुन सक्ने अनुमान प्रहरील गरेको छ । यद्दपी पोष्टमार्टम रिर्पोटपछि मात्र विस्तृत जानकारी हुने प्रहरीले जनाएको छ ।