चितवन । चितवनमा दलदले पोखरीमा डुबेर एक जना नेपाली सेनाका जवानको मृत्यु भएको छ । गैँडाको आक्रमणबाट जोगिन पोखरीमा हाम फालेका जवान पवन कटुवालको डुबेर ज्यान गएको जिल्ला प्रहरी कार्यालय चितवनलाई उदृत गर्दै स्थानीय संचारमाध्यमले लेखेका छन् ।
खोटाङ गाउँपालिका वडा नम्बर–४ घर भएका २६ वर्षका कटुवाल निकुञ्ज सुरक्षार्थ खड्गदल गणको साइलीमाइली पोस्टमा कार्यरत थिए । मंगलबार बेलुका निकुञ्जभित्र गस्ती जाने क्रममा गैँडाले आक्रमण गर्न खोज्दा कटुवाल पोखरीमा हाम फालेका थिए । त्यसपछि उनको उद्धार हुन नसक्दा ज्यान गएको बताइएको छ ।