काठमाडौं । नेपालमा संसदीय निर्वाचन नजिकिएको सन्दर्भमा चिनियाँ कम्युनिष्ट पार्टी (सीपीसी)का नवनियुक्त विदेश विभाग प्रमुख लिउ जियानचाओ काठमाडौं आउने भएका छन् । उनी आगामी आइतबार नेपाल भ्रमणमा आउने भएका छन् । उनी सद्भावना भ्रमणका सिलसिलामा नेपाल आउन लागेको बताइएको छ ।
उनले नेपालमा राष्ट्रपति र प्रधानमन्त्रीका साथै नेकपा एमाले र माओवादी केन्द्रका शीर्ष नेताहरुलाई भेट्ने भएका छन् । नेपालमा चार दिनसम्म रहँदा उनले कम्यूनिष्ट एकताको माहोल बनाउन सक्ने बताइएको छ । पछिल्लो समय एमाले बाहेकका कम्यूनिष्ट दलबीच संवाद बाक्लिएको छ ।