काठमाडौं । चिनियाँ रक्षामन्त्री वेइ फङ्गह नेपाल भ्रमणमा आउने भएका छन् । निकट भविश्यमा उनको नेपाल भ्रमणको तयारी भएपनि मिति भने सार्वजनिक गरिएको छैन । केही दिन अगाडी प्रधानमन्त्री केपी ओली र चिनियाँ राजदूत होउ यान्छीबीच भएको भेटका दौरान रक्षामन्त्रीको भ्रमणबारे छलफल भएको बताइएको छ ।
अहिले नेपालमा रक्षामन्त्रीको जिम्मेवारी स्वयमः प्रधानमन्त्रीसँग रहेको छ । भ्रमण आगामी नोभेम्बर २९–३० मा हुन सक्ने बताइएको छ ।
चीनबाट नेपाल आएपछि उनी यतैबाट अन्य दक्षिण एसियाली मुलुकको भ्रमणमा निस्कने गरी तयारी गरिएको नेपाली संचारमाध्यमले शुक्रबार लेखेका छन् । यसअघि सन् २०१९ अक्टोबरमा उपप्रधानमन्त्री तथा रक्षामन्त्री ईश्वर पोखरेलले चीनको औपचारिक भ्रमण गरेका थिए ।