काठमाडौं । सरकारले चीनका लागि नेपाली राजदूत लीलामणी पौडेललाई फिर्ता बोलाएको छ । उनको स्थानमा महेन्द्र पाण्डेलाई राजदूतमा नियुक्त गर्न मन्त्रीपरिषद्ले सिफारिस गरेको छ ।
यद्दपी सरकारको यो निर्णयको भने आलोचना भइरहेको छ । आफ्नो नातागोता गर्ने मानिसलाई अवसर दिने र दक्ष कर्मचारीलाई भने फिर्ता बोलाएको भन्दै सरकारको आलोचना शुरु भएको हो ।
पूर्व मुख्यसचिव समेत रहेका पौडेललाई २०७३ कात्तिकमा चीनका लागि नेपाली राजदूत नियुक्त गरिएको थियो ।
उनलाई तत्कालिन पुष्पकमल दाहाल, प्रचण्ड नेतृत्वको सरकारले राजदूत नियुक्त गरेको थियो ।
चीनमा राम्रो काम गरिरहेका भएपनि सरकारले उनलाई फिर्ता बोलाउन लागेको हो ।
उनको स्थानबाट पूर्वपरराष्ट्रमन्त्री महेन्द्रबहादुर पाण्डेको नाम सिफारिस गरिएको छ ।