काठमाडौं । चीनको आर्थिक केन्द्र मानिने शाङ्घाईमा कोरोनाभाइरस सङ्क्रमणका कारण पहिलो पटक तीन जनाको मृत्यु भएको चीनले पुष्टी गरेको छ
। बीबीसीका अनुसार यो शहरमा कोभिड नियन्त्रण गर्न केही सातादेखि लकडाउन जारी छ । सहरको स्वास्थ्य आयोगले प्रकाशित गरेको एउटा विज्ञप्तिमा मृत्यु भएका ८९ देखि ९१ वर्षका तीन वृद्ध छन् । उनीहरूमा जटिल समस्या देखिएको थियो । तीनै जनाले कोभिडविरुद्ध खोप भने नलगाएको पाइएको छ । उक्त सहरमा सोमवार थप २२,२४८ जनामा कोभिड भेटिएको छ । मार्चयता चीन सरकारले कोभिडसँग सम्बन्धित कारणले बिरामीको मृत्यु भएको पहिलो पटक स्वीकार गरेको हो।
उता, भारतमा पछिल्लो २४ घण्टामा भारतमा २,१८३ जनामा कोभिड सङ्क्रमण पुष्टि भएकोमा २१४ जनाको मृत्यु भएको आंकडा सार्वजनिक भएको छ । पछिल्लो २४ घण्टामा भारतमा २६१,४४० कोभिड परीक्षण गरिएको थियो । यसले चीन र भारतमा कोरोनाको बढ्दो संक्रमण र त्यसले विष्फोटक रुप लिएको देखिएको हो । यस्तो आंकडाका बीच नेपाल पुनः एक पटक जोखिममा पर्ने भएको छ । किनकी नेपालले पर्यटक आकर्षित गर्ने उद्देश्यले कोभिड विरद्धका धेरै प्रोटोकल सामान्य बनाइसकेृको छ । नेपालमा दैनिक परीक्षणको मात्रा समेत घटेको छ ।