चुनावी सभालाई सम्बोधन गर्न प्रधानमन्त्री तनहुँ पुग्दै

काठमाडौं । चुनावी सभालाई सम्बोधन गर्न प्रधानमन्त्री शेरबहादुर देउवा तनहुँ जाने भएका छन् । वैशाख ३० मा तोकिएको स्थानीय तह निर्वाचनलाई लक्षित गर्दै नेपाली कांग्रेस तनहुँले दमौलीमा आयोजना गरेको सभामा सहभागी हुन प्रधानमन्त्री देउवा तनहुँ आउन लागेका हुन् । सभामा नेपाली कांग्रेसका वरिष्ठ नेता रामचन्द्र पौडेल र प्रवक्ता डा. प्रकाशशरण महतलगायत नेताहरूले पनि सम्बोधन गर्ने कार्यक्रम रहेको छ । कांग्रेस नेताहरु अहिले देश दौडाहमा छन् ।