अमृता के सी ( रोनी )
काठमाडौँ, असोज १२ । ४२ औं विश्व पर्यटन दिवसकाे अवसरमा नेपाल पर्यटन बाेर्ड र राष्ट्रिय शहिद तथा शान्ति पार्क, निजामति (स्मारक) यज्ञडाेल (जगडाेल) सामुदायिक वन पर्यापर्टन प्रवर्द्धन तथा उद्यान व्यवस्थापन समितिकाे संयुक्त आयाेजनामा वृक्षाराेपण कार्यक्रम सम्पन्न भएको छ।
“समावेशी वृद्धिका लागि पर्यटन” भन्ने नाराका साथ गोकर्णेश्वर नगरपालिका वडा नं ४ स्थित राष्ट्रिय शहिद तथा शान्ति पार्क, निजामति (स्मारक) यज्ञडाेल (जगडाेल) सामुदायिक वनमा संस्कृती ,पर्यटन तथा नागरिक उड्डयन मन्त्रालय सचिब यादब प्रशाद काेइरालाको प्रमुख आतिथ्यतामा सोमबार वृक्षाराेपण कार्यक्रम सम्पन्न भएको हो । उक्त कार्यक्रममा नेपालका लागी युनेस्को आयोगका महासचिव डा. बाबुराम अधिकारी, नेपाल पर्यटन बोर्डका वरिष्ठ निर्देशक हिकमत सिंह ऎर,संस्कृती, पर्यटन तथा नागरिक उड्डयन मन्त्रालयका सहसचिव लक्ष्मी बस्नेत, नेपाल वायुसेवा निगमका महाप्रबन्धक डिम प्रसाद पौडेल, राष्ट्रिय शहिद तथा शान्ति पार्क, निजामति (स्मारक) यज्ञडाेल (जगडाेल) सामुदायिक वनका अध्यक्ष सुदर्शन सिग्देल, महानगरीय प्रहरी प्रभाग गोकर्णका प्रमुख रामजी घिमिरे, पर्यटन बोर्डका पदाधिकारीहरु, स्थानिय सरकारका प्रतिनिधि लगायत स्थानिय संघ संस्थाका प्रतिनिधिहरुको उपस्थिति रहेको थियो।
कार्यक्रमलाई सम्बोधन गर्दै नेपालका निमित्त युनेस्को आयोगका महासचिव डा. बाबुराम अधिकारीले राम्रो कामको सुरुवात गर्न सोच बनाए त्यो काम पूरा हुने बताउदै सहिद पार्क जगडोलमा अन्तर्राष्ट्रिय स्तरको युनेस्को अध्यन, अनुसन्धान, प्रयोगात्मक केन्द्र,राष्ट्रिय शहिद संग्राहलय एवं युनेस्को संग्राहलय र औषधि जन्य बोटबिरुवा रोपण गरि हर्बल पार्कको निमार्ण जस्तो तीन वटा महत्वपूर्ण कार्य गर्न खोजेको बताए।
उक्त कार्यक्रममा नेपाल पर्यटन बोर्डका वरिष्ठ निर्देशक हिकमत सिंह ऎरले विश्व पर्यटन दिवसको शुभकामना दिदैँ देशभरीको सामुदायिक वनको संजाललाई पर्यापर्यटनको विशेष स्थलको रूपमा विकास गर्ने जमर्को गरेको भन्दै सामुदायिक वन संजाल संग जोडिन गई वातावरणलाई सुरक्षित तरिकाले मानव संस्कृतिलाई टेवा पुग्ने बताए।
कार्यक्रमलाई सम्बोधन गर्दै संस्कृती ,पर्यटन तथा नागरिक उड्डयन मन्त्रालय सचिब यादब प्रशाद काेइरालाले हरेक राष्ट्रको विदेशी आय आर्जन गर्ने महत्त्वपूर्ण स्रोत पर्यटन भएको बताए।साथै जगडोल अनुपम रुपले प्राकृति सुन्दर खुल्ला संग्राहलय भएकोले शहिद पार्कलाई राष्ट्रिय जगतमा अन्तराष्ट्रीय जगतको पार्क बनाउन अगाडि बढ्न अनुरोध गर्दै नेपाल पर्यटन बोर्डले हालेमालो गर्ने प्रतिबद्धता व्यक्त गरे।
कार्यक्रममा धन्यवाद व्यक्त गर्दै राष्ट्रिय शहिद तथा शान्ति पार्क, निजामति (स्मारक) यज्ञडाेल (जगडाेल) सामुदायिक वनका अध्यक्ष सुदर्शन सिग्देलले शहिद पार्क नेपाल सरकार, जनता र साझेदारी निकायहरूको सम्पत्ति भएकोले हातेमालो गरि अगाडि बढ्ने प्रतिबद्धता व्यक्त गरे। साथै देश भरीकै सामुदायिक वनको संजाल बनाई पर्यटकीय गतिविधि बढाउने उनले बताए।
