न्यूयोर्क । गिरीजा प्रसाद कोईराला फाउन्डेशन अमेरिकाका अध्यक्ष सोमनाथ घिमिरे नयाँ अमेरिकी डेमोक्रेटिक क्लबको उपाध्यक्षमा मनोनित भएका छन् । उनको राजनीतिक सक्रियता, विगतमा जो वाईडेन र कमला ह्यारीस् राष्ट्रपति÷उपराष्ट्रपति जिताउँ अभियानमा खेल्नुभएको भुमिका, न्युयोर्कमा स्थानीय र राज्यस्तरीय चुनावमा गरेको विशेष भूमिकाका कारण उनलाई यो जिम्मेवारी दिइएको बताइएको छ ।
साथै, जिपि कोईराला फाउन्डेशन अमेरिका च्याप्टर मार्फत लामो समयदेखी जुझारू र सशक्त टीम बनाई कोरोना कहरका बीच समेत समाजमा उल्लेखनीय योगदान पुर्याएको लगायत पक्षलाई मुल्यांकन गरी सो पदमा नियुक्त गगरिएको अमेरिकी डेमोक्रेटिक क्लबका संस्थापक अध्यक्ष मोर्सेद अलामले बताए ।
नयाँ अमेरिकी डेमोक्रेटिक क्लब न्युयोर्क राज्यकै सबैभन्दा पुरानो राजनितिक संस्था दक्षिण एसियाली अमेरिकन मेर्सेद अलामले सन १९९८ मा स्थापना गरेका हुन् ।
मोर्सेद अलाम पर्यावरण विज्ञ हुन् । उनी एनवाईसीमा पूर्व आयुक्त (मतदाता सहायता आयोग) र सामुदायिक विद्यालय बोर्डका उपाध्यक्ष र कोषाध्यक्षमा न्युयोर्क राज्यको इतिहासमा पहिलो पटक दक्षिण एसियाली पदाधिकारी निर्वाचित भएका थिए ।
उनी सन १९९८ मा एनवाईएस सिनेटका लागि डेमोक्र्याटिक पार्टीका न्युयोर्क राज्यको इतिहासमा पहिलो पटक दक्षिण एसियाली उम्मेद्वार भएर रिपब्लीकन उम्मेद्वार विरुद्धमा ४२ प्रतिशत मत प्राप्त गरी विजयी भएका थिए ।
अध्यक्ष आलमले, उपाध्यक्ष पदमा नियुक्त भएकोमा घिमिरेलाई बधाई दिँदै नयाँ अमेरिकी डेमोक्रेटिक क्लबलाई अझ ससक्त रुपले अगाडी बढाउने विश्वास व्यक्त गरे । उनले कार्यकारी सदस्यसँग सहकार्य गरी आगामी रणनीति एवं कार्यदिशामा सम्बद्द सबैलाई समेटी डेमोक्रेटिक पार्टीमा दक्षिण एसियाली मतदाताहरूको संख्या शसक्त ढंगले अझै धेरै बढाउॅंदै प्रभावकारीता थप उचाईमा पुर्याउनु पर्ने समेत बताए ।
अमेरिकामा जिपी कोईराला फाउन्डेशन मार्फत सामाजसेवामा खटिएका घिमिरेको मुल्यांकन गरी नयाँ अमेरिकी डेमोक्रेटिक क्लबको उपाध्यक्ष पदमा मनोनयन गरिनु गौरवको विषय भएको जिपी कोईराला फाउन्डेशन अमेरिकाका उपाध्यक्ष सुवर्ण लामाले बताए ।